ගැලීම් සටහන් (උදාහරණ සමග)

ගැලීම් සටහනක් යනු අල්ගොරිතමයක පියවර රූපමය ආකාරයෙන් ඉදිරිපත් කිරීමයි. මෙහිදී පහත දක්වා ඇති සංකේත භාවිතා කරයි.

Start/ Stop (ආරම්භය හෝ අවසානය): ගැලීම් සටහනක ආරම්භය සහ අවසානය දැක්වීම සඳහා භාවිතා කරයි.

Input / Output (ආදානය හෝ ප්‍රතිදානය): ආදානය හා ප්‍රතිදානය පෙන්නුම් කිරීම සඳහා භාවිතා කරයි.

Process (ක්‍රියාවලිය): ක්‍රියාවලියක් / සැකසීමක් පෙන්නුම් කිරීම සඳහා භාවිතා කරයි.

Decision (තීරණය): තීරණයක් ගැනීමට සිදුවන අවස්ථා සඳහා භාවිතා කරයි.

Flow of Logic (ගැලීම් දිශාව): දත්ත ගැලීමේ දිශාව පෙන්නුම් කරයි.

ඉහත සංකේත භාවිතා කරමින් සරල ගැලීම් සටහන් නිර්මාණය කරමු.

දෙන ලද සංඛ්‍යා දෙකක එකතුව ලබා ගැනීමට අදාල ගැලීම් සටහන නිර්මාණය කරමු.

මෙහිදී අප විසින් සංඛ්‍යා දෙක ආදානය කරනු ලබන අතර එම සංඛ්‍යා දෙකෙහි එකතුව ප්‍රතිදානය ලෙස නිරූපණය කරයි. ඒ සඳහා අප විසින් ඉහතදී සඳහන් කරන ලද ගැලීම් සටහන් සඳහා වූ සංකේත භාවිතා කරනු ලබයි.

මෙම ගැලීම් සටහනෙහි සංඛ්‍යා දෙක කැමති අයුරකින් සඳහන් කළ හැකි අතර පහත දැක්වෙන සටහනේදී x සහ y ලෙස භාවිත කර ඇත. ඒ වෙනුවට ඔබට පළමු සහ දෙවැනි සංඛ්‍යාව ලෙසද භාවිතා කළ හැකිය.

සංඛ්‍යා දෙකක් ඇතුළත් කළ විට එහි ගුණිතය ලබා ගැනීමට අදාළ ගැලීම් සටහන නිර්මාණය කරමු.

ඉහත උදාහරණයේ පරිදිම මෙහිදීද සංඛ්‍යා දෙකක් ඇතුළත් කරනු ලබන අතර ඒ සඳහා අප විසින් A සහ B යන ඉංග්‍රීසි අකුරු දෙක භාවිතා කර ඇත. එහි ගුණිතය Mul ලෙස ගෙන එය ප්‍රතිදානය ලෙස නිරූපණය කර ඇත.

සෘජුකොනශ්‍රයක වර්ගඵලය සෙවීමට අදාල ගැලීම් සටහන නිර්මාණය කරමු.

සරලව ගත් විට දිග සහ පළලෙහි ගුණිතය ලෙස හැඳින්විය හැකිය. වර්ගඵලය ගණනය සඳහා අප විසින් එම අගයන් දෙක ආදානය කළ යුතු අතර එහි ගුණිතය ප්‍රතිදානය ලෙස නිරූපණය කරනු ලබයි.

සංඛ්‍යා තුනක සාමාන්‍ය අගය (average) සෙවීමට අදාල ගැලීම් සටහන නිර්මාණය කරමු.

සාමාන්‍ය අගය සෙවීමේදී අප විසින් දෙන ලද සංඛ්‍යා එකතු කර ලැබෙන අගය එකතු කරන ලද සංඛ්‍යා ප්‍රමාණයෙන් බෙදනු ලබයි. මෙම උදාහරණයේදී අප විසින් සංඛ්‍යා තුනක සාමාන්‍යය සොයන බැවින් එම සංඛ්‍යා තුන එකතු කර ලැබෙන අගය තුනෙන් බෙදනු ලබයි.

ත්‍රිකෝණයක වර්ගඵලය සෙවීමට අදාල ගැලීම් සටහන නිර්මාණය කරමු.

ඔබ ගණිතය විෂයේදී වර්ගඵලය සෙවීමේදී භාවිත කරන ක්‍රමවේද මෙම ගැලීම් සටහනේදී පියවර වශයෙන් සරලව නිරූපණය කරනු ලබයි. වර්ගඵලය සොයන ආකාරය සරලව ඉගෙන ගන්න මේ වීඩියෝව නරඹන්න.

වට්ටම් ගණනය කිරීමට අදාල ගැලීම් සටහන නිර්මාණය කරමු.

බිල්පතක වටිනාකම ඇතුළත් කළ විට 20% ක වට්ටමක් ලබාදෙන භාණ්ඩයක වට්ටම ගණනය කිරීමට පහත දැක්වෙන ගැලීම් සටහන භාවිතා කළ හැකිය.

ඔබට අදාළ ප්‍රශ්න පත්‍ර භාගත කර ගැනීමට ICT ප්‍රශ්න පත්‍ර පිවිසෙන්න.